شهادة اهلاوى منقولة من موقع كووورة

الكلام التالي هو كلامه بالنص:

امبارح كنت بتفرج علي حلقة الكورة في دريم ,,في فقرة حق الرد..وكنت بغلي من الغيظ بسبب الكابتن فتحي مبروك..الراجل كان من احسن لعيبة الاهلي ومصر...ومدرب محترم وخدنا معاه الكاس في ظل ظروف صعبه جدا..ايام عادل مصطفي الله يمسيه بالخير...لكن امبارح مكنش عارف يصد ولا يرد مع اسامه خليل ..اللي اكل الجو خالص في القعدهوكنت طول الحوار بقول فينك يا قيعي!!..بسبب الكابتن فتحي مبروك اللي تطوع من نفسه..غير مشكور...بالقول ان الاهلي مفيهوش ناشئين..وانه بيعاني بسبب عدم وجود رؤوس حربة في فريق الشباب ..طب يا كابتن مبروك ..لو فرضنا ان ده حقيقي..ايه لزوم انك تحبط لعيبتك صغار السن لما يسمعوك بتتكلم عليهم بالشكل ده ؟..ومقدما بقول هارد لك لشباب الاهلي اللي اتعادلوا مع الزمالك اللي كان بيلعب فيه نجوم الفريق الاول من امثال شيكابلا وشريف اشرف !ويا ريت مبروك اكتفي بكده كانت هانت..لا ده تطوع مرة تانيه..غير مشكور برضه..بالقول ان لاعبي الاهلي اخدهم من الاسماعيلي ..وسقط بجداره في الفخ اللي اسامه خليل جره له بسهوله مطلقه..حتي ان مبروك قال ان احمد فتحي لاعب الاسماعيلي السابق !!لو كان القيعي موجود - الله يطول عمرك يا قيعي ويخليك للاهلي-كان عرف يوقف اسامه خليل عند حده..وكان عد له اسامي الفرق اللي الاهلي جاب لعيبته منهم..وكان علمه معني الاحتراف.. اللي بيتجاهله اسامه خليل..وكان قال له ان الاسماعيلي جاب كل اللعيبه دي من فرق تانيه ..وان الاسماعيلي باعهم لفرق تانيه بمحض ارادته=================================واسامه خليل " الجنتلمان " انا كنت بتابعه من زمان علي قناة Nile Tv قبل ما تطلع هوجة الفضائيات الرياضية دي...وكان بيعجبني انه متحدث لبق جدا ويجيد التحليل الفني بالانجليزية..وامبارح استغل قدراته في تصوير الباطل علي انه حق...وسوق نفسه بدرجة امتياز كرئيس قادم للاسماعيلي...وهاجم الكومي بشدة وبعنف..لكن بمنتهي الشياكه ..وصور نفسه في صورة البطل المدافع عن الاسماعيلي وحقوقه المزعومه..وازاي انه ادي دروس للكومي في كيفية احترام نفسه كرئيس للنادي الاسماعيلي..وقد ايه الاسماعيلي ده نادي كبير و عريق والاسطوانه اياهاولما كان مصطفي عبده بيقاطع اسامه خليل..كان اسامه بيرفض المقاطعه ويصر علي انهاء كلامه..ولما كان بيحاول مصطفي انه يخليه يشيد بالكومي..كان بيرفض بلباقه شديده ويهاجم الكومي هجوم شرس..لكن بمنتهي الهدوء وعدم العصبيهبصراحه اسامه خليل كان امبارح 10/10