ياللي فارقت الدنيا كان بدري الوداع
وطلعت فوق بعيد عن الزيف و الخداع
.....
واحشني ياطيب ياأرق من الملاك
فاكرك وفاكر قد أيه اتهنيت معاك
وكنت أتمنى يكون عمري فداك
دلوقت باحلم بس أعيش لحظ معاك
.......
ياللي مشيت من غير ما حتى تقول سلام
هافضل على عهدك كأني معاك تمام
......
مين اللي قال البعد بينسى الحبايب
تعالى شوف حبي وشوف قلبي اللي دايب
....
مين بعد منك هايداويلي جروحي
مين اللي في حضنه الحنين هانسى روحي
......
مع السلامة ياحبيب قلبي وسلام
ياريت تزورني كل ليلة في المنام

(إهداء إلى زوجتي الراحلة ...أماني)